Satsa på ombruk framfor å kjøpe nytt

Bystøl AS og Arkitektfirma Jon Vikøren AS hadde to val, kjøpa nye stolar til lunsjrommet eller satsa vidare på stolane dei hadde.

Dei valde det siste. Altså ombruk i praksis.

Mange års levetid

10 stolar, der både spenst i putene og slitemerke etter mange års bruk var tydelege, vart frakta over fjorden til Møbel-avdelinga her hjå oss på Sogneprodukt i Balestrand.

 Etter nokon rundar med pussing, nytt ullstoff, lakk og omsut, står no stolane fram i same drakt som då dei vart kjøpte i si tid. Dei toler no mange år til med bruk i kontorlandskapet på Øyri i Vik.

-  Me er godt nøgde med resultatet, seier Hilde Espeland, adm.- og økonomileiar i Bystøl AS.

Slik vart stolane etter at Fadi og co. var ferdige med jobben.

Slik var stolane før dei vart trekte om.