Sykkelverkstad

Når innbyggjarane i Sogn leverer inn syklar til Simas, blir dei sende til Sogneprodukt her i Balestrand. Me vil gje syklane nytt liv.

·      Syklane me får inn er av ulik kvalitet. Om ein sykkel ikkje kan reparerast, vil ein alltids kunne plukke gode delar som kan brukast vidare. Eventuelle restar blir kjeldesortert. Nokre syklar treng berre ein god vask og litt kjærleik før dei er klare att til nye eventyr.

Målet vårt er å ha syklar klare til sal til våren. Desse vert selde her hjå oss, og me jobbar med ulike løysingar slik at me kan få selt også i andre bygder i Sogn.

·       Sosial berekraft har mange fellestrekk med miljømessig berekraft. Dei byggjer på same prinsippa. Målet me har er å nytta resursen i menneske og lage noko nytt, altså det same som ombruk.

·       Difor er arbeids- og inkluderingsbedrifter ein perfekt match med det grøne skiftet der ein skal nytte om att det som folk vil kvitte seg med.